പൊതുപ്രവർത്തകരായ കുമാരൻ മാസ്റ്റർ, എൻ കെ രാജൻ, തുടങ്ങിയവർ പങ്കെടുത്തു പദ്ധതിയുടെ രണ്ടാം ഘട്ടത്തിൽ ജില്ലയിൽ കൈമാറുന്ന 44 മത്തെ വീടാണിത് ഒന്നാം ഘട്ടത്തിൽ 235 വീടുകളാണ് കൈമാറിയത്.
നാദാപുരം : സംയുക്ത തൊഴിലാളി യൂനിയന്‍ സംഘടിപ്പിച്ച പണിമുടക്ക് നാദാപുരം മേഖലയില്‍ പൂര്‍ണം. നാദാപുരം, കല്ലാച്ചി ടൗണുകള്‍ പൂര്‍ണമായും അടഞ്ഞു കിടന്നു. സ്‌കൂള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങളും പ്രവര്‍ ത്തിച്ചില്ല. കെ.എസ്.ആര്‍.ടി.സി ഉള്‍പ്പെടെ പൊതുഗതാഗതം പൂര്‍ണമായും സ്തംഭിച്ചു. സ്വകാര്യ വാഹനങ്ങളും കാര്യമായി റോഡിലിറങ്ങിയില്ല. മെഡി ക്കല്‍ ഷോപ്പുകളും ഹോസ്പിറ്റലുകളും മാത്രമാണ് തുറന്നു പ്രവര്‍ത്തിച്ചത്. ഗ്രാമ പ്രദേശങ്ങളില്‍ കാലത്ത് കടകള്‍ തുറന്നില്ലെങ്കിലും ഉച്ചയോടെ ഒറ്റപ്പെട്ട സ്ഥലങ്ങളില്‍ കടകള്‍ തുറന്നു പ്രവര്‍ത്തനം ആരംഭിച്ചിരുന്നു. വിവിധ ടൗണുകളില്‍ പൊലീസ് ജാഗ്രത പാലിച്ചു നിലയുറപ്പിച്ചെങ്കിലും അനിഷ്ട സംഭവങ്ങള്‍ ഒന്നും ഉണ്ടായില്ല. പണിമുടക്കിയ തൊഴിലാളികള്‍ കല്ലാച്ചിയില്‍ പ്രകടനവും പോസ്റ്റ് ഓഫീസ് ധര്‍ണ സമരവും നടത്തി. എ. മോഹന്‍ ദാസ് ഉദ്ഘാടനം ചെയ്തു. കെ.പി കുമാരന്‍ അധ്യക്ഷനായി. പി. അനില്‍ കുമാര്‍, പി.കെ പ്ര ദീപന്‍, എ. സുരേഷ് ബാബു സംസാരിച്ചു.
നാദാപുരം : ഡിവൈഎഫ്‌ഐ നാദാപുരം ബ്ലോക്ക് കമ്മിറ്റി ഉന്നത വിജയികള്‍ക്ക് അനുമോദനവും കരിയര്‍ ഗൈഡന്‍സ് ക്ലാസും സംഘടിപ്പിച്ചു. നാദാപു രം ബ്ലോക്കിന് കീഴിലെ എസ്എ സ്എല്‍സി, പ്ലസ് ടു, എല്‍എസ്എ സ്, യുഎസ്എസ് വിജയികളെയാണ് അനുമോദിച്ചത്. ടൂറിസം പ്രൊമോഷന്‍ കൗണ്‍സില്‍ ചെയര്‍മാന്‍ എസ് കെ സജീഷ് ഉദ്ഘാടനം ചെയ്തു. ബ്ലോക്ക് പ്രസിഡന്റ് എ കെ ബിജി ത്ത് അധ്യക്ഷനായി. മുന്‍ ജില്ലാ സെക്രട്ടറി എ മോഹന്‍ദാസ്, ജില്ലാ ജോ. സെക്രട്ടറി എം കെ നികേഷ്, അഡ്വ. മനോജ് അരൂര്‍, സാന്ദ്ര സചീന്ദ്രന്‍, കെ ലിജിന, ടി ശ്രീമേഷ്, എം ശരത്ത്, സി എച്ച് രജീഷ്, പി പി ഷഹറാസ് എന്നിവര്‍ സംസാരിച്ചു. ഡോ. ദിവിന്‍ മുരുകേഷ് കരിയര്‍ ഗൈഡന്‍സാസെടുത്തു. ബ്ലോക്ക് സെക്രട്ടറി പി രാഹുല്‍ രാജ് സ്വാഗതവും ട്രഷറര്‍ സി അഷില്‍ നന്ദിയും പറഞ്ഞു.
കുറ്റ്യാടി : ശാന്തിനഗര്‍ ശാഖ മുസ്ലിം ലീഗ് സമ്മേളനം പാറക്കല്‍ അബ്ദുല്ല ഉല്‍ഘടനം ചെയ്തു. പി. മൊയ്തു മൗലി അധ്യഷനായി. പഴയകാല മുസ്ലിം ലീഗ് പ്രവര്‍ത്തകരെയും നേതാക്കളെയുംചടങ്ങില്‍ ആദരിച്ചു. വിദ്യാഭ്യാസ കലാകായിക രംഗങ്ങളില്‍ മികവ് നേടിയ വിദ്യാര്‍ഥികളെ അനുമോദിച്ചു.. ലഹരി. വിരുദ്ധ പ്രഭാഷണവും ലഹരി.വിരുദ്ധ പ്രതിജ്ഞയും നടന്നു. നൊ ച്ചാട്ട് കുഞ്ഞബ്ദുള്ള ഷിബു മീരാന്‍, കെ.ടി അബ്ദുല്‍ സമദ്, എം.പി ഷാജഹാന്‍, മിസ് ഹബ് കീഴരിയൂര്‍, ഇബ്‌റാഹിം കോമത്ത്. ഒ. കെ മുനീര്‍, ഒ. കെ റിയാസ്, എ.കെ ലത്തീഫ് സംസാരിച്ചു.
പേരാമ്പ്ര : നടുവണ്ണൂര്‍ കാവില്‍ ആഞ്ഞോളിത്താഴയില്‍ യുവാവിനെ എംഡിഎം എയുമായി പോലീസ് അറസ്റ്റ് ചെയ്തു. കാവില്‍ആഞ്ഞോളി വിപിന്‍ദാസ് (32) ആണ് അറസ്റ്റിലായത്. 0.489 ഗ്രാം എംഡിഎംഎ ഇയാളില്‍ നിന്ന് പോലീസ് കണ്ടെടുത്തു. പേരാമ്പ്ര പോലീസ് സബ് ഇന്‍സ്‌പെക്ടര്‍ പി. ഷമീര്‍, എസ്‌സിപിഒ സുനില്‍ കുമാര്‍, സുരേഷ്‌കുമാര്‍, സിപിഒ റീഷ്മ തുടങ്ങിയവരും ഡി വൈഎസ്പിയുടെ കീഴിലുള്ള ഡാന്‍സാഫ് അംഗങ്ങളും ചേര്‍ന്നാണ് പ്രതിയെ പിടികൂടിയത്.
പന്തിരിക്കര: ആവടുക്കയിലെ പരേതനായ പി.ടി മുഹമ്മദ് എന്നവരുടെ ഭാര്യ അരീക്കന്‍ചാലില്‍ കുഞ്ഞാമിന (87) അന്തരിച്ചു. മക്കള്‍: ടി.ടി. കുഞ്ഞമ്മദ് മാസ്റ്റര്‍ (INL ജില്ലാ സെക്രട്ടറി ), സുബൈദ, സുലൈഖ, സൗദ, തസ്നി, നസീമ. മരുമക്കള്‍: കുഞ്ഞായിഷ ടീച്ചര്‍ മണ്ണാറത്ത്, പരേതനായ അഷ്റഫ് വെള്ളിമാട് കുന്ന്, ഹമീദ് മുണ്ടക്കുറ്റി, മജീദ് അയനിക്കാട്, മുനീര്‍ ദേവര്‍കോവില്‍.
